БАНК ТАТГАЛЗВАЛ ӨӨР ЯМАР АРГААР БАЙРТАЙ БОЛОХ ВЭ

Жавзмаа

Орон сууцтай болохоор төлөвлөж буй мөн амьдарч буй орчин нөхцөлөө сайжруулах хүсэлтэй ихэнх иргэдийн толгойны өвчин болоод байгаа гол асуудал нь хүссэн хүн бүрт олддоггүй ипотекийн 8-н хувийн зээл юм. Дээрээс нь байрны үнэ тэнгэрт хадаад, хэр баргийн хүн дийлж авахааргүй болжээ. Цаашдаа орон сууцны ипотекийн зээл үргэлжлэх үү, үгүй юу гэдэг асуулт хүн бүхэнд бий.

Энэхүү зээл удааширснаар урьдчилгаа 30 хувиа барьсан иргэд хаашаа хандаж, хэрхэн байртай болох талаар их асуудаг болсон. Үүнийг дагаад зарим нэг барилгын компаниуд дараах нөхцөлийг санал болгож байна.

Боломж 1. Ипотекийн найман хувийн зээлийн хувьд арилжааны банкууд зөвхөн өөрийн санхүүжилтээр баригдсан барилгадаа олгож байна.

Боломж 2. Банкны өөрийн санхүүжилтээр олгодог орон сууцны хувь зээлээр байртай болох боломжтой. Урьдчилгаа төлбөрөөсөө хамааран Голомт банк 1.5-1.6 хувь, Хаан банк 1.7-1.8 хувь, ХХБ 1.5-1.65 хувь, Хас банк 1.59-1.76 хувийн хүүтэй зээл тус тус өгч байна.

Боломж 3. Таны урьдчилгаа мөнгө дутсан тохиолдолд орон сууц борлуулж буй компаниас 1-2 жилийн хугацаатай урдьчилгаа мөнгө зээлэх, үлдэгдэл мөнгөн дээрээ тухайн барилгыг санхүүжүүлсэн банкнаас зээл авах боломжтой. “Бүргэд констракшн” ХХК-ийн “Шинэ мөрөөдөл” хотхон

Боломж 4. Орон сууцны 50 хувиа төлөөд, үлдэгдэл төлбөрийг барилгын компаниасаа 1-2 жилийн хүүгүй хувь лизинг авах. “Цэрэн интернэшил” ХХК-ийн “Дэлгэрэх” хотхон

Боломж 5. Зарим компанийн хувьд урьдчилгаандаа байр, машин болон өөрт байгаа хөрөнгөө үнэ дүйцүүлэн өгөх нөхцөлийг санал болгож эхэлсэн. Үүнд, одоогоор “Тэсо” констракшны “Содон” хороолол, “Иэсом” ХХК-ийн ”EDU APART” цогцолборт энэ төрлийн нөхцөлийг нэвтрүүлсэн.

Эх сурвалж: Орон сууцны бирж