ӨНӨӨДӨР: НИТХ-ын Тэргүүлэгчид хуралдана

Жавзмаа

Төв аймгийн Шүүх-д

09:00 цагт Согтуугаар машин жолоодож яваад хаваржаандаа байсан айлын гэр дайрч 2 хүний амь нас /нэг нь 5 настай хүүхэд/ хохироосон Рэгзэндоржид холбогдох хэргийн шүүх хурал болно.

НЗДТГ-ын "А" зааланд

09:30 цагт НИТХ-ын Тэргүүлэгчид хуралдана. Хэсэгчилсэн ерөнхий төлөвлөгөө батлах тухай,Орлогод нийцсэн орон сууцыг хөгжүүлэх төсөл хэрэгжүүлэх тухай хэлэлцэнэ.

ЗТХЯ-ны 301 Хурлын зааланд

11:00 цагт Гашуунсухайтын нүүрс тээвэрлэлтийн зохицуулалт, шийдвэрлэх шаардлагатай тулгамдаад байгаа асуудал, цаашид хэрхэн шийдвэрлэх гарц, одоо байгаа нөхцөл байдлын талаар Зам, тээврийн хөгжлийн яам болон Автотээврийн үндэсний төвөөс мэдээлэл хийнэ.

БХБЯ-ны Хурлын танхимд

13:00 цагт “Дархан хотын бохир ус цэвэрлэх байгууламжийн шинэчлэлийн барилга угсралт”-ын ажлын олон улсын гүйцэтгэгчтэй гэрээ байгуулсан нээлтийн ёслол болно.

PRO ONE төвийн 1205 тоотод

14:00 цагт Ломбард буюу барьцаалан зээлдүүлэх үйлчилгээ эрхлэгчдийн өнөөгийн нөхцөл байдал болон тухайн салбарт 2018 онд хийж хэрэгжүүлэх шинэчлэлийн талаар болон шинэчлэн батлагдсан MNS 5274-2017 стандартын талаар мэдээлэл хийнэ.