Шинзо Абэ эдийн засгийн гурван тулгуурт бодлогоо үргэлжлүүлнэ гэв

А.Алтжин

Японы Ерөнхий сайд Шинзо Абэ пүрэв гарагт Токио хотноо болсон бизнес эрхлэгчдийн уулзалтын үеэр эдийн засгийн бэрхшээлүүдийг даван туулах, дэлхийн улс төрийн орчин дахь удирдагчдын шилжилт хөдөлгөөн зэрэг асуудлуудын

талаар мэдэгдэл хийсэн байна. Энэ үеэр тэрбээр эдийн засгийн гурван тулгуурт бодлогоо үргэлжлүүлэхээ мэдэгдээд энэхүү бодлого нь Япон улсын эдийн засгийг сэргээхээс гадна мөнгөний тэлэх бодлогыг эрчимжүүлж Засгийн газрын төсвийн зарцуулалтыг нэмэгдүүлэх замаар дефляциас гарах боломжтойг онцолжээ. Мөн Шинзо Абэ Японы эдийн засгийн өсөлтийг тогтворжуулахын тулд ажилтнуудын цалинг нэмэгдүүлж, дэмжлэг үзүүлэхийг бизнес эрхлэгчдээс хүссэн байна. Энэ үеэр Японы Худалдаа аж үйлдвэрийн танхимын дарга АНУ-ын шинэ удирдлагын талаар өөрийн байр сууриа илэрхийлжээ.

Японы Худалдаа аж үйлдвэрийн танхимын дарга Акио Мимура "Миний бие Дональд Трампын засаг захиргааны эдийн засгийн бодлогод анхаарал хандуулж байна. Эдийн засгийн тогтвортой өсөлтөд эргэлзэж байгаа талаар олон нийт ярьж байна. Учир нь дотоодын үйлдвэрлэлийг дэмжих бодлогоос хамааран эдийн засаг уналтад орох эрсдэл байгаа ч ойрын хоёр жилийн хугацаанд сөрөг гэхээсээ илүү эерэг нөлөө гарч эдийн засаг сэргэхээс гадна АНУ-ын өсөлт улам нэмэгдэнэ гэсэн өндөр хүлээлттэй байна" гэж мэдэгдлээ.

Эх сурвалж : bloombergtv.mn