ӨНӨӨДӨР ГЭРЭЛТ ГУДАМЖИНД “UB FOOD FESTIVAL" БОЛНО

Жавзмаа

Монгол хоолны соёлыг гаднын иргэдэд сурталчлах, таниулах, бусад улын хоолны соёлыг эх орондоо түгээх, аялал жуулчлалыг хөгжүүлэх зорилгоор жил бүр уламжлал болон зохион байгуулагддаг “UB Food Festival” арга хэмжээ тав дахь жилдээ зохиогдох гэж байна.

Өдөрлөгийг Нийслэлийн Аялал жуулчлалын газраас зохион байгуулах бөгөөд есдүгээр сарын 2,3-нд буюу энэ амралтын өдрүүдэд “Гэрэлт гудамж”-нд зохиогдоно.

Өдөрлөгт "Гэрэлт гудамж"-нд үйл ажиллагаа явуулж байгаа хоолны газрууд болон олон үндэстний хоолны соёлыг сурталчлах үүднээс өөр өөр үндэстний хоолны газруудыг сонгон оролцуулах аж. Өдөрлөгийн үеэр аж ахуйн нэгжүүд өөрсдийн нэрийн бүтээгдэхүүн, улс үндэстний төрөл бүрийн хоол, зууш амттаныг багасгасан хэмжээтэйгээр бэлтгэж, хямд үнээр иргэдэд үйлчилнэ.

“UB Food Festival”-ын үеэр “Олон орны хоолны гудамж” арга хэмжээний шилдэг оролцогч, шилдэг тогоочийг шалгаруулж өргөмжлөл мөнгөн шагналаар шагнах аж. Мөн хүрэлцэн ирсэн иргэдийн дунд “Хэн олон хотдог, бургер идэх вэ?” зэрэг хэд хэдэн төрлийн тэмцээн, уралдаан, янз бүрийн сонирхолтой урлаг, соёлын үзүүлбэрүүдийг зохион байгуулж тэмцээнд идэвхтэй оролцсон иргэдийг өргөмжлөл мөнгөн шагналаар шагнахаар төлөвлөжээ.

“UB food festival” арга хэмжээний хөтөлбөр:

Эхний өдөр

16:00 – 16:20 UB Food Festival – ийн нээлтийн үйл ажиллагаа

16:20 – 16:35 Язгуур урлагын тоглолт

16:35 – 17:10 Хэн хамгийн хурдан Hotdog идэх вэ тэмцээн

17:10 – 17:25 SaybeatBeatbox Crew үзүүлбэр

17:25 – 17:40 Саксфончин Сүхээгийн үзүүлбэр

17:40 – 18:10 Хэн хамгийн олон Burger идэх вэ тэмцээн

18:10 – 18:35 Hooliganz Break Dance Crew бүжгийн үзүүлбэр

18:35 – 19:25 Хоолны талаар хэн сайн мэдэх вэ хөгжөөнт AXA тэмцээн

19:25 –20:05 Рок поп дуучдын тоглолт

20:05 – 20:30 Nature Dance Production эртний галын бүжиг болон хатдын бүжгийн үзүүлбэр