УИХ-ын чуулганы хуралдаан эхэллээ

А.Алтжин

УИХ-ын чуулганы өнөөдрийн хуралдаан эхэллээ.

Хуралдааны эхэнд УИХ-ын дарга М.Энхболд хэлэлцэх асуудлыг хуваарийг танилцуулав. Тэрбээр, "Өнөөдрийн чуулганаар УИХ-ын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл, Нийтийн сонсгол зохион байгуулах журам батлах тухай, Олон улсын гэрээний тухай хуулийг хүчингүй болсонд тооцох тухай, Дипломат албаны тухай хуульд нэмэлт, өөрчлөлт оруулах тухай, Гамшгаас хамгаалах тухай, Гаалийн албан татвараас чөлөөлөх тухай хуульд өөрчлөлт оруулах тухай, Хүнсний тухай хуульд өөрчлөлт оруулах тухай, Хүнсний бүтээгдэхүүний аюулгүй байдлыг хангах тухай хуульд нэмэлт, өөрчлөлт оруулах тухай зэрэг хууль тогтоолын төслийн зохих шатны хэлэлцүүлгийг хийнэ. Үдээс хойш Ерөнхий сайдын мэдээллийг сонсоно" хэмээв.

Хэлэлцэх асуудалтай холбогдуулж ямар нэг саналтай гишүүн байгаагүй тул товын дагуу УИХ-ын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл, Нийтийн сонсгол зохион байгуулах журам батлах тухай хууль тогтоолын хэлэлцэх эсэх хэлэлцүүлгийг хийж эхлэв.